29/6/10

Programa de intercambio de libros de texto para alumnos de bacharelato

Foto de sergis blob

Entre os proxectos que temos pensado levar a cabo o vindeiro curso está a creación dun Banco de libros. Trátase basicamente de organizar dende a ANPA un intercambio entre entre as familias asociadas dos libros de texto. Para elo as persoas participantes entregaríamos os libros que xa non necesitamos e recibiríamos libros dos que doaron outras familias. Este ano empezaríase cos alumnos que empezan 1º ou 2º de bacharelato e, se sae ben, ampliarase á E.S.O no curso seguinte.

Os obxectivos deste programa son:
  • Favorecer o aforro de cartos nas familias
  • Fomentar no alumnado o sentido da solidariedade.
  • Fomentar a idea da necesidade de conservación dos libros como instrumento de formación e coñecemento.
  • Educar na conservación do medio ambiente a través do aproveitamento de materias primas.

Os pais interesados deberán ser socios da ANPA e comprometerse a:
  • Doar os libros que teñan do curso anterior
  • Coidar os libros: repoñer os forros deteriorados ou forrar os que non teñan forro, non escribir neles, etc.
  • Devolver os que se reciban en préstamo cando remate o curso
  • Cubrir a ficha (pinchade na ligazón para acceder) con tódolos datos requiridos pola ANPA cando entreguen os libros.
Esperamos que o proxecto sexa do voso interese e que colaboremos todos.

Podedes poñervos en contacto con nós no correo da ANPA anpacaramecheiro(arroba)hotmail.com ou nos teléfonos de Nacho: 607446536 e Leo: 666457338

9/6/10

Muiñada de Amendo 2010

Este sábado 12 de xuño, a ANPA ten o gusto de convidar a todas as familias do alumnado e persoal do instituto número 1 de Ribeira á muiñada de Amendo que organiza a Asociación Cultural Altofalante.

Como podedes ver no cartel, desde as 10 da mañá ata ben entrada a tarde haberá numerosas actividades aptas para todo o público e todas as idades.

Dende a ANPA apoiamos esta iniciativa, porque cremos que é un moi bo xeito de gozar dunha xornada dun sábado en familia, nun entorno natural que temos a obriga de coñecer, conservar e recuperar.

Xa sabedes que imos compartir o xantar entre todos os asistentes. Pero non levedes só comida, levade tamén moitas gañas de divertirse, alegría e cantareiras. Asegúrovos que non os ides a aburrir.

E se non podedes ir todo o día, darvos unha voltiña en calquera momento. De seguro que seredes benvidos.

3/6/10

La pista de arena / Andrea Camilleri


A próxima reunión do club de lectura terá lugar o próximo 17 de xuño ás oito menos cuarto da tarde (19:45 horas) no bar Plaza.

O libro que imos a comentar é "La pista de arena" do autor Andrea Camilleri (Editorial Salamandra).