Muiñada de Amendo 2010

Este sábado 12 de xuño, a ANPA ten o gusto de convidar a todas as familias do alumnado e persoal do instituto número 1 de Ribeira á muiñada de Amendo que organiza a Asociación Cultural Altofalante.

Como podedes ver no cartel, desde as 10 da mañá ata ben entrada a tarde haberá numerosas actividades aptas para todo o público e todas as idades.

Dende a ANPA apoiamos esta iniciativa, porque cremos que é un moi bo xeito de gozar dunha xornada dun sábado en familia, nun entorno natural que temos a obriga de coñecer, conservar e recuperar.

Xa sabedes que imos compartir o xantar entre todos os asistentes. Pero non levedes só comida, levade tamén moitas gañas de divertirse, alegría e cantareiras. Asegúrovos que non os ides a aburrir.

E se non podedes ir todo o día, darvos unha voltiña en calquera momento. De seguro que seredes benvidos.

La pista de arena / Andrea Camilleri

A próxima reunión do club de lectura terá lugar o próximo 17 de xuño ás oito menos cuarto da tarde (19:45 horas) no bar Plaza.

O libro que imos a comentar é "La pista de arena" do autor Andrea Camilleri (Editorial Salamandra).

Consello Escolar Xuño

Para o día 2 de xuño hai convocado un Consello Escolar ca seguinte orde do día:

ORDE do DÍA

1.- Lectura e aprobación, se procede, das actas das reunións anteriores.

2.- Aprobación, se procede, do proxecto lector e as liñas de actuación da biblioteca.

3.- Informe sobre o proxecto “Abalar”.

4.- Análise dos resultados de avaliación de diagnóstico.

5.- Rogos e preguntas.

Invitámosvos a participar con calquera achega que queirades facer. Podedes poñervos en contacto co correo da ANPA ou co meu jorganes (arroba) gmail (punto) com

Menos cartos para o ensino

A Mesa pola Normalización Lingüística de Barbanza, faime chegar este documento para que o comparta con vosoutros.

Outra ves vemos recortado o orzamento público no eido do ensino, pero neste caso, eu creo que é especialmente grave, pois por espurios motivos, están a atacar a lingua de Galiza que é parte esencial da nosa cultura.

Books

Cóntanme quen asistiu o xoves pasado (15/04/2010) a xuntanza ao redor do libro "La jaula de oro", que estivo moi interesante.

Contaron coa inesperada e afortunada visita de Aqi (?), unha persoa de nacionalidade iraní que se achegou a nós da man de Marusela e que exerceu de comentarista privilexiado dado o seu coñecemento da situación.

Ao remate da sesión decidiuse de escolmar dous textos de lectura para as dúas vindeiras sesións.

Sesión do 27 de maio: MARTIN EDEM, de Jack London

Sesión de xuño (pendente de confirmarse a data) LA PISTA DE ARENA de Andrea Camilleri (Editorial Salamandra)

Supoño que sabedes que o noso club de lectura está crecendo, e agora vámonos xuntar co club do IES Leliadoura e tamén co club que van poñer a andar no IES Coroso.

Co fin de coordinarmos temos posto en marcha un grupo de google. Dende alí pasarannos todas as informacións relativas ao libro que imos ler ou a calquera incidencia. Para darte de alta só tes que mandar un correo electrónico a cafeplaza(arroba)gmail.com solicitándoo.

A próxima xuntanza do club será o día 15 de abril ás 20:00 (oito da tarde) no Ateneo do Bar Plaza. Para entón teremos que ler o libro da premio Nobel da paz Shirin Ebadi "La jaula de oro"

Boas lecturas!

A xuntanza do noso Club de lectura vaise aprazar ata o xoves día 4 de Febreiro. Os motivos do aprazamento son varios: por unha banda o Bar Plaza está pechado durante o mes de Xaneiro, o día 21 (inicialmente programado para a xuntanza) é o día no que se convocara unha folga xeral no ensino contra o proxecto de decreto de plurilingüismo no ensino no universitario.

Ademais o autor de "Casas baratas" Antón Riveiro Coello xa confirmou que poderá asistir o día 4 á nosa xuntanza. Polo tanto, se non hai outro aviso, vémonos o día catro de febreiro ás oito menos cuarto da tarde (19:45) no Ateneo do Bar Plaza.

Se non comezastes a ler o libro, aínda tedes tempo. Animádevos!

Suspenso para o sistema educativo español

Flat Classroom Skype de superkimbo

Segundo unha nova de hoxe de Vieiros: Suspenso para o sistema educativo español: "Bruxelas marcou cinco obxectivos en materia de educación que deberían acadarse, como moi tarde, en 2010: situar a taxa de abandono escolar por debaixo do 10%; reducir a menos dun 20% a porcentaxe de alumnos con problemas de comprensión na lectura; lograr que, polo menos, o 85% dos mozos completen a educación secundaria; aumentar nun 15% o número de diplomados en matemáticas, ciencias e tecnolóxicas; e conseguir que o 12,5% da poboación adulta participe en formación continua. No Estado Español non se cumprirá ningún destes cinco retos."

Persépolis

Persépolis: foto de http://www.artmultimediadesign.com

Mañá día 26 de novembro, temos a nosa segunda sesión de cineclub. Lembrade que co fin de que podamos ter un pequeno debate despois da película, a sesión terá lugar ás 19:00 horas (ás sete da tarde). ESPERÁMOSVOS!!!

Ollos de Auga

O libro escollido para a vindeira xuntanza do club de lectura é "Ollos de Auga" de Domingo Villar. Trátase dunha novela negra ambientada na cidade de Vigo.

A xuntanza terá lugar como sempre no Ateneo do Bar Plaza. A data da posta en común do libro será o 10 de decembro ás oito menos cuarto da tarde.

Agardamos vervos por alí, e recordade que podedes invitar a aquelas persoas que queiran participar.

Hoxe, ás 19:45 no Bar Plaza, xuntanza do Club de Lectura do Caramecheiro. Falaremos do libro "Memoria de Cidades sen Luz" ca súa autora Inma López Silva.

Consello Escolar

O xoves día 22 de outubro hai Consello Escolar co seguinte orde do día:

1. Lectura e aprobación, se procede, das acta da reunión anterior.
2. Informe de Dirección:

• a) Avaliación de Diagnóstico.
• b) Páxina web.
• c) Aprobación, se procede, da “Convocatoria de axudas para proxectos de innovación. PLAN TIC 09/10”

3. Informe de Xefatura de Estudos:

• a) Situación do alumnado repetidor de 2º de bacharelato.
• b) Expediente disciplinario.
• c) Tratamento casos de absentismo.
• d) Aula de convivencia.
• e) Reunión pais/nais.
• f) Avaliacións.

4. Informe Xefatura de Estudos de Adultos:

• a) Novidades no réxime de educación de adultos.

5. Rogos e preguntas.

Se alguén ten algunha proposta para facer no Consello, pode facelo a través das representantes da ANPA no noso correo anpacaramecheiro (arroba) hotmail (punto) com

Tamén ofrecémonos a informarvos de calquera dos asuntos tratados no Consello.