VISITA ORIENTACION A UNIVERSIDADE DE SANTIAGO DE COMPOSTELA, 9 FEBREIRO 2012

VISITA PROGRAMADA DE ORIENTACION A UNIVERSIDADE DE SANTIAGO DE COMPOSTELA
DIA 9 DE FEBREIRO DE 2012
INFORMACION DE PERCORRIDOS E FOLLA DE AUTORIZACION

Listado de TODO o profesorado do centro IES Nº1 cunha hora de atención a pais/nais.

Listado de TODO o profesorado do centro IES Nº1 cunha hora de atención a pais/nais. Tamén se pode pedir cita ben como ata o de agora a través das titoras e titores, telefonicamente (981 871 103) ou a través do correo-e do centro (ies.numero1.ribeira@edu.xunta.es).

Lecturas para o comezo do ano

Temos tres magníficas propostas de lectura para este comezo de ano.

A primeira de elas é unha novela policial do autor grego Petros Márkaris: Con el agua al cuello. Es unha interesante novela en la que el comisario Jaritos investiga unha serie de asasinatos na Grecia da crise. As personaxes fan interesantes reflexións sobre a situación social, económica e política da Grecia do verán do 2010, e que desgraciadamente recordan moito á España de hoxe. Para máis información podedes ler esta reseña e esta entrevista ao autor. A xuntanza para falar do libro terémola o vindeiro xoves día 26 no Ateneo do Bar Plaza ás oito e media da tarde.

Para finais do vindeiro mes, se todo vai como está previsto, imos ler As fiandeiras do noso profesor de historia Antonio Piñeiro. Este libro foi escollido por unanimidade do xurado como premio García Barros 2011. Agardamos poder contar co autor nos nosos encontros lectores.

Finalmente, e para animar ás persoas máis novas á lectura, temos tamén proxectada a lectura de El héroe un cómic de David Rubín. Tamén queremos --se cadra-- que veña o seu autor a asinar exemplares a Ribeira.

HORARIOS ORIENTADORA DO I.E.S. Nº 1 DE RIBEIRA

PROGRAMA ACTIVIDADES ANPA 2011-2012

1. Obxectivos de carácter Xeral

1. Asistir ás familias do alumnado que cursa os seus estudios no IES número 1 de Ribeira en todo aquilo que afecte á educación deste alumnado.

2. Colaborar nas actividades educativas e extraescolares do Centro.

3. Promover a participación das familias das alumnas e alumnos na xestión do Centro, a través dos órganos correspondentes, facilitando a súa participación no Consello Escolar do Instituto, e asistíndoas no exercicio do seu dereito a intervir no control e xestión do Centro.

4. Estimular a participación das familias na programación xeral do ensino, a través dos órganos colexiado correspondentes.

5. Fomentar as relacións de cooperación do Centro con outros establecementos escolares e os sectores sociais e culturais do entorno.

6. Promover a plena realización do principio de gratuidade no ámbito do Centro, así como a efectiva igualdade de dereitos de todo o alumnado sen discriminación por razóns socioeconómicas, ideolóxicas, confesionais, de raza ou de sexo.

7. Requirir aos poderes públicos o cumprimento das leis, regulamentos e planos de actuación relativos á educación, demandando a atención e axudas que esta merece.

8. Promover actividades formativas, culturais e de estudio.

9. Promover reunións de colaboración das familias co profesorado, e as boas relacións entrambos colectivos.

10. Mellorar a nosa relación co centro para fomentar un clima escolar que favoreza o estudo e o desenvolvemento de cantas actuacións propicien unha formación integral en coñecementos e valores de alumnas e alumnos.

Para o cumprimento dos obxectivos mencionados levaremos a cabo as seguintes actividades e actuacións:

2. Actuacións e actividades Xerais

1. Manter un estreito contacto co profesorado, colaborando con el na educación do alumnado do centro. Afondar na apertura de canles de comunicación máis estreitas co IES, aproveitando as TICs e outros medios de comunicación non presenciais. Facer que a ANPA sirva de canal de transmisión de opinións e informacións entre o profesorado e as familias, e posibilitando o encontro entre ambos.

2. Demandar aos órganos colexiados do centro, dirección, titoras e titores e profesorado en xeral información sobre as programacións, planos e proxectos educativos, e de canto acontece no centro que poda ter incidencia na calidade do ensino e na educación das nosas fillas e fillos. Transmitir dita información ás familias, para que deste xeito podamos influír positiva e activamente na mellora do ensino, tanto de xeito individual como a través da ANPA.

3. Desenvolver actividades, xunto co profesorado e o alumnado para mellorar do rendemento de estes. Tratar de suplir –na medida das nosas posibilidades– as actividades extraescolares que o profesorado non van realizar por acordo do Consello Escolar como medida de presión contra os recortes no ensino.

4. Respectar e fomentar o respecto as normas da comunidade educativa e aos seus compoñentes, dándoas a coñecer, participando activamente do observatorio da convivencia e colaborando na promoción do Plan de Mediación.

5. Tomar as iniciativas necesarias para a posta en marcha dun Consello Escolar Municipal participativo, en coordinación con outras ANPAs e ca Federación de ANPAs.

6. Tomar unha posición sobre os recortes en Educación, e facer canto estea na nosa man para a mellora do Ensino Público e o mantemento da súa calidade. Procuraremos a colaboración co profesorado, outras ANPAs do Concello e as federacións de ANPAs.

7. Servizo préstamo de libros de texto. O obxectivo é que o alumnado coide do material escolar, e aprenda a valorar a reutilización dos materiais, achegando ao Centro á plena realización do principio de gratuidade do ensino.

8. Coordinarmos con outras asociacións para propoñer ao Concello melloras sobre ensino, a cultura e o deporte, particularmente para a xuventude. En concreto daranse os pasos necesarios para :

1. Melloramento da oferta lúdica da xuventude, prestando especial atención á franxa de idade entre 16 e 18 anos

2. Facilitar a utilización dos espazos públicos á mocidade e ás asociacións do Concello.

3. Mellora da mobilidade no concello que incluirá:

1. Dotación de transporte para as actividades extraescolares

2. Promoción da bicicleta como medio de transporte

4. Outras propostas xa demandadas con anterioridade.

9. Vixiar o servizo de transporte escolar e tomar medidas encamiñadas á súa mellora.

10. Xestión das taquillas para facilitar ao alumnado un lugar apropiado para gardar o material escolar.

3. Actividades para o alumnado.

1. Consideramos que é básico a mellora das comunicacións entre o alumnado e a ANPA. Para iso trataremos de establecer unha canle de comunicación directa co alumnado.

2. Colaborar co departamento de orientación, a dirección e o profesorado no desenvolvemento de actividades de orientación de estudos e profesional ao alumnado. Compre subliñar que xa está en marcha a participación do alumnado de bacharelato e —de ser posible— das súas familias no Salón de Orientación Universitaria UNITOUR.

3. Ofertaremos aquelas actividades que sexan demandados polo alumnado. Algunhas propostas poden incluír as seguintes:

a. Obradoiros. Clases de música non formais (Creación de banda de música rock), teatro, danza, pintura, etc.

1. Actividades deportivas: Baloncesto, fútbol, ximnasia rítmica, etc.

4. Apoiar e promover o equipo feminino de voleibol que xa está a adestrar e participar en competicións oficiais en Galicia. Tratar de que participen no equipo varóns e alumnado doutras idades.

5. Actividades sobre prevención de accidentes impartidas pola asociación Stop Accidentes (en colaboración coa Dirección do IES).

6. Viaxe (ou viaxes) que podan ser interesantes e formativos para o alumnado e que serán definidos coa súa colaboración e coa das familias.

7. Excursión para campionato deportivo. É unha actividade lúdica demandada polo alumnado que organiza a ANPA co obxecto de mellorar o interese o alumnado e das familias na nosa asociación, e facilitar a interrelación e a convivencia entre o alumnado dos distintos cursos.

8. Excursións ou campamento fin de curso. Actividades lúdicas, ambientais, deportivas, educativas e culturais (Aínda por definir)

9. Outras actividades lúdicas

4. Actividades para toda a comunidade escolar

1. Club de lectura. Xa posto en marcha.

2. Videofórum. Pretende que sexa un espazo de debate entre os membros da comunidade escolar e outras persoas do Concello. Interesaría a participación de alumnado, profesorado e familias.

3. Promover o uso da bici. Instalación de aparcabicis. Planificar ou colaborar activamente co día da bici. Trátase de normalizar o uso da bicicleta nos desprazamentos da xuventude do Concello e de toda a comunidade escolar.

4. Concurso para a realización da web da ANPA por parte de alumnado de informática. A ANPA dotaría o concurso con premios atractivos para o alumnado. Necesario o apoio do departamento de Informática. A idea é que o alumnado aprenda facendo algo útil para a comunidade escolar. Ademais, preténdese que aumenten as visitas á nosa web polo feito de ser unha ferramenta desenvolvida por eles. Deste xeito poderíase mellorar a interacción entre toda a comunidade escolar.

5. Actividades para as familias

1. Escola ou escolas de nais e pais segundo a súa demanda. Algunha delas podería ser impartida por Renacer.

A Neta do Señor Linh

Coma outros anos, está en marcha o club de lectura do IES número 1. Este é un espazo aberto ao alumnado, ás familias, ao profesorado e ao público en xeral. Trátase de ler un libro que acordamos entre todas as persoas que participamos do club para falarmos de el nun ambiente distendido. Estamos a ler un libro por mes, e despois xuntámonos no Ateneo Valle-Inclán (na primeira planta do Bar Plaza) para comentar a súa lectura.

A proposta para este mes é A neta do Señor Linh de Philippe Claudel publicado por Rinoceronte Editorial. Trátase dunha novela moi poética que conta a historia dun avó e a súa neta, únicos sobreviventes da familia, que emprenden unha viaxe ao descoñecido fuxindo de todo aquilo que lles encheu a súa vida ata entón.

A reunión no Ateneo terémola o vindeiro xoves día 15 de decembro. A neta do Señor Linh é unha novela breve, ideal para un intre de paz e tranquilidade. Tamén está publicado en castelán co título La nieta del Señor Linh.

Viaxe á Coruña. Salón de Orientación Universitaria dirixido a alumnos de 2º BACH.

Máis información sobre o Salón de Orientación Universitaria nesta ligazón http://www.unitour.es/unitour_Coruna.htm.

A folla de inscrición pódela descargar aquí.

FICHA DE INSCRICIÓN NA ANPA Caramecheiro

Ficha de inscrición na ANPA Caramecheiro con pago a través do banco.

Apoiamos as medidas de presión do profesorado

Esta vez non concordamos ca Federación de ANPAs. Na nosa xunta directiva pensamos que a Consellería de Educación está tomando medidas que están a poñer en risco ao ensino público en Galiza.
Creemos que a gran maioría do profesorado estivo nos últimos anos desempenando unha gran labor educativa, demostrando gran profesionalidade e sacrificio persoal, e en moitísimos casos ten desempeñado e seguen a desempeñar tarefas que están moi por encima das súas responsabilidades profesionais.
Entendemos que o que está a suceder no ensino público en Galiza non é, en xeral, responsabilidade do profesorado, senón principalmente da Administración Pública, que en moitas ocasión mesmo ten desprestixiado ao colectivo de ensinantes.
Creemos que o aumento de horas lectivas do profesorado non vai repercutir na calidade do ensino nin na dedicación do profesorado, senón que polo contrario, esa dedicación a labores de custodia do alumnado, e apoios na aula, van en detrimento das posibilidades de dedicación a actividades extra-escolares e complementarias por parte do profesorado, que van servir para suprimir persoal docente, e para substitución das baixas de menos de 15 días do profesorado.
As familias e o profesorado temos reclamado pola vía administrativa ante a administración as enormes carencias de medios tanto persoais como materiais que estamos a padecer, mais atopamos que a situación, en contra de mellorar, vai cada vez peor.
Por todo o exposto, creemos que a medida de presión proposta polo profesorado é perfectamente lexítima, e que a situación debe reverter ao acordado no ano 2007, e polo tanto apoiamos as medidas adoptadas polo claustro de profesores e o Consello Escolar de suprimir as actividades complementarias.
Somos conscientes de que esta é unha medida que pode prexudicar ás nosas fillas e fillos, e por iso pediremos ás familias a súa implicación persoal para tratar de suplir o labor desempenado polo profesorado ata o momento. Agardamos, deste xeito, non só cubrir en parte ditas actividades, senón poñer en valor as tarefas desenvolvidas polo profesorado no eido das actividades extra-escolares, e concienciar á comunidade educativa da súa importancia.

Escola de nais e pais

A asociación antidroga Renacer convídanos ás súas escolas de nais e pais. Estas escolas organízanas tanto de xeito continuado como de forma puntual. Se queredes asistir ás escolas continuadas podedes contactar con eles directamente. Tedes os detalles na web de Renacer.

E se queredes que organicemos algo dende a ANPA, como pedichedes na asemblea ordinaria, pois só tedes que poñervos en contacto con nos e contarnos as vosas preferencias.

Club de lectura

Programación do club de lectura de Ribeira para outono:

Importante. Para ver de dar cabida a xente que traballa, as reunións terán lugar as 20:30 (no lugar das 19:45 como ata agora). O lugar o de sempre, o Ateneo Valle Inclán de Ribeira.

As lecturas propostas son:

1. El tiempo entre costuras de María Dueñas. Ed. Temas de hoy
   Xoves 21 de outubro.
2. A esfinxe de Amaranto de Antón Riveiro Coello. Ed. Galaxia
   Xoves 25 de novembro.
3. Las tres sombras de Cyril Pedrosa. (Cómic) Ed. Norma
   Xoves, 16 de decembro.

Para o primeiro libro dos propostos recomendamos esta ligazón da autora.

Animádevos a participar!

Lecturas para o verán

Agora no verán é un bo momento para coller un libro mentres nos relaxamos e gozar da lectura. E despois xuntarmos a tomar un refresco e charlar sobre o lido tampouco está mal.

A programación definitiva para o verán:

- Xoves 29 de Xullo: charla sobre o libro de Miguel Anxo Murado "Fin de século en Palestina"
- Xoves 26 de Agosto: o libro en torno ao que nos xuntaremos para falar será "Platón y un ornitorrinco entran en un bar" dos autores Thomas Catchcart e Daniel Klein.
- Xoves 23 de Setembro: cada participante escollerá dous poemas para ler e comentar. Ademais se fixará a programación para o primeiro trimestre de do curso 2010-2011.

Os horarios e lugar das xuntanzas serán os habituais: ás oito menos cuarto da tarde no Ateneo do Bar Plaza.

Feliz verán!